Bizkaiko Foru Aldundia - Diputación Foral de Bizkaia

Esan bezala, Hondakinen Isurketari buruzko Zuzentarau Europarra 1999ko apirilaren 29koa da. Horrek "tratamendu" eta "lixibiatu" hitzen definizioa ematen du, besteak beste:

• a) Tratamendua: Horretarako, prozesu fisiko, termiko, kimiko edo biologikoak burutzen dira, banantzea barne. Horien guztien bitartez, hondakinen izaera aldatzen da, euren bolumena edo arriskutasuna txikitzeko, manipulazioa errazteko edo haien balorizazioa handitzeko.
• b) Lixibiatua: Edozein likido izan daiteke lixibiatua, baldin eta gordailatutako hondakinetan zehar sartzen bada eta zabortegian igorri edo jaso bada. Lixibiatua isurketaren ondorioa da, eta agente oso kutsagarria dela adierazi beharra dago.
  

Lixibiatuen tratamenduari dagokionez, zuzentarauak hauxe ezarri du: neurri egokiak hartuko dira, zabortegiaren ezuagarriak eta baldintza meteorologikoak aintzakotzat harturik. Neurri horien guztien helburuak jarraikoak izango dira:

• Zabortegiaren basoan sartzen diren euri­urak kontrolatzea.
• Azaleko nahiz lurpeko urak hondakinetan sar daitezen eragoztea.
• Kutsatutako urak eta lixibiatuak biltzea.
• Kutsatutako urak eta zabortegian jasotako lixibiatuak tratatzea, horien isurketak arautegi egokia bete dezan.

Igorreko HHSen zabortegiko stripping­plantak lixibituan jasotako amoniako­kopurua txikitzen du; horrela, litro bakoitzeko, 300 mg. baino kontzentrazio txikiagoak lortzen dira. Hala izan behar da, Bilbo­Bizkaiko Uren Partzuergoko Biltzaileen Sare Nagusira Urak Isurtzeko Erregelamenduak aginduta.

Lixibiatuari tratamendu egokia egin eta gero, hori berreskuratzeko aukera egongo da, Bediako Hondakin­Urak Garbitzeko Gunean. Bertan jasotzen dira, berebat, Arratiako Goi eta Behe Haranetako hondakin­urak, hirikoak izan zein industriakoak izan.

Instalazio hori 1999ko apirilaren 26an inauguratu zen. Instalazioak zuzentarauaren espiritua eta testua betetzen ditu, hitzez hitzez. Espainiako estatuan, bera izan zen lehenengo eraiki zen instalazioa. Eraikitzeko prozesuak lau hilabete iraun zuen, eta egindako inbertsioa 31 milioi pezetakoa izan zen ( 186.313,7 ).

Igorrezko zabortegian, strippingplanta